陳法拉與王曼喜（Kayla）前晚於銅鑼灣為法國品牌Sinéquanone行時裝騷，由於天橋兩旁設有流水「機關」，已多年沒有行騷的法拉穿着5吋高踭鞋壓軸出場，行騷時顯得非常小心。法拉透露最近接了新戲，現時要閉關熟讀有關物理的書籍，提到馬浚偉開公司想簽她做藝人，法拉說：「冇合約佢都要幫我，阿哥（馬浚偉）叫到都會幫手。我哋𠵱家傾緊，因為大家都有個心願，就係要合唱一隻歌。」
馬詩慧（Janet）為時裝騷擔任統籌，女兒Kayla負責行騷，但Kayla的服裝明顯沒有其他穿透視裝的模特兒性感，Janet說：「佢未去到呢個階段，呢樣嘢係好高層次。」是否要大點先可以？Janet即打趣問：「邊度大啲先？」大個女先？Janet說：「暫時都要問我，唔係點有阿媽嘅身份。」此外，以司儀身份出席的黃長興更攜眷出席，昨晚可見長興太太Peggy挺着大肚，二人結婚剛滿一年便有好消息，認真可喜！
採訪：羅慧敏
攝影：陳俊強