估唔到英超都有黑工。下半季俾新特蘭賣咗去德甲奧格斯堡嘅南韓前鋒池東沅（圖），被揭發喺未攞到工作證，就幫黑貓踢咗4場英超（成績為1和3負）同1場英聯盃；而黑貓嘅秘書高妮事後亦引咎辭職。好彩黑貓冇俾英超聯賽會扣分，只係罰款了事。佢哋家陣30戰得25分排尾2，如果扣埋分，肯定返魂乏術，九成九喺下季降落英冠比賽。