杜汶澤主演《3D豪情》前日公映，電影公司前晚在太古城特別安排了一場女性優先場，阿澤專程到戲院謝票，答謝一班中女捧場。阿澤見現場座無虛席，興奮得不停賣口乖說：「唔好怕醜，咁多女我好開心。」他一邊派海報和濕紙巾一邊說：「我個樣好三級，攞我個樣擺屋企可以擋煞，今日應該派M巾，全場都係女。」之後他到另一個優先場，有男有女，阿澤即場問一班男觀眾說：「扯唔扯到旗呀？」全場哄堂大笑。
「好多阿伯friend去睇」
謝票後，阿澤在戲院門口被一班女粉絲包圍，他自信說：「明星係咁，唔係口不擇言，唔好話記者屈你，所以話瘦田無人耕，耕開有人爭。」阿澤表示《3D豪情》不是一套鹹片，他說：「對於我嚟講係文藝同悲劇，想話畀大家聽呢套係笑片，啱女性睇，日本都有女性專用車廂，驚俾麻甩佬博懵，所以搞女性專用場。」
《3D豪情》上映後，阿澤收到女性朋友電話指很多阿伯入場，他笑說：「我喺網上係維園阿伯，你估我係民主英雄咩！所以我有好多阿伯friend去睇，睇得好開心，我都驚佢哋笑起上嚟太激動，希望佢哋見到42L冷靜啲。」眾人為《3D豪情》起哄，但阿澤表示老婆田蕊妮則毫無反應：「外父帶咗班麻甩佬去睇，佢就笑得最大聲，之後對我講：『女婿，你都幾勁！我戥個女好安樂。』」
前日有多部電影同時上映，包括《美國隊長2》（Captain America：The Winter Soldier）票房362萬元，成為單日賣座冠軍、《3D豪情》票房126萬元、《十二夜 》票房13.5萬元、《性上癮 （前篇）》（Nymphomaniac I）票房6.3萬元。此外，大快活顧客服務部昨日表示杜汶澤的立場和言論，純屬個人意見，不代表公司立場，更表明會定期檢討和更換代言人。
採訪：卓寶花
攝影：葉君海