自從上年4月贏咗斯圖加特網賽之後，俄羅斯靚女球手舒拉寶娃（圖）已經成年冇攞過冠軍喇，𠵱家嘅世界排名仲跌到落第9。之不過，食咗咁耐白果似乎無損舒娃嘅心情，啱啱就俾人影到，喺墨西哥享受緊陽光與海灘。雖然戴咗黑超，但舒娃並冇扮大牌，毫不吝嗇自己驕人嘅身形，着住三點式騷身材，不過當眾拉低泳衣，搞到疑似走光就太唔小心喇！
