懷孕3個月腰粗躉巨呂慧儀谷爆35E:好大負擔

懷孕3個月腰粗躉巨
呂慧儀谷爆35E:好大負擔

現年31歲的「長腳蟹」呂慧儀日前在微博宣佈懷孕3個月,與老公黃文迪榮升準蟹小B爸媽。呂慧儀昨陀住「蟹籽沙律」開工搵銀,谷奶、粗腰及巨躉現形,但她穿上5吋斗零踭,還坦言不習慣身材激變!上圍已急升兩cup到35E的她,更不禁大呻:「好大負擔!」

昨日是兒童節,呂慧儀與黃美棋在沙田出席商場的復活節活動,拖住小女孩出場的長腳蟹母愛氾濫,腳踏5吋斗零踭鞋的她,更大膽彎低身與小女孩合照,之後還與美棋BB親製兒童節禮物,長腳蟹俯身時,大晒強勁事業線。懷孕只3個月的她孕味極濃,肚也大得很快,有指其上圍由34C升至35E,司儀在台上問她親製甚麼禮物給BB?長腳蟹說:「包被。」但現場卻聽錯是包皮,令準媽咪尷尬大笑。其實包被是指包着BB的被仔,作用是模擬BB在母體內時獲得的安全感。

【Big爆E奶】懷孕3個月的呂慧儀昨於沙田出席公開活動,見她上圍逼爆兼凸肚,孕味勁濃。攝影:陳俊強

做「包被」被笑鹹濕

對於被取笑變鹹濕媽咪,長腳蟹笑說:「唔係呀,包被好正常!𠵱家可能轉數慢咗,豈有此理!」講到穿5吋高踭鞋,她坦言最緊要靚,老公黃文迪亦對她穿高踭鞋的技術有信心,基本上可穿高踭鞋追巴士,但現在當然不會,活動後亦換上平底鞋。老公因有工作而未有陪伴左右,會否很緊張擔心?長腳蟹說:「會呀!成日偷笑,洗緊碗都偷笑。」變了女王?她說:「少少女王,但聽講媽媽最好keep住做嘢,生個小寶寶先會勤奮,如果我太懶,又驚佢第時係大食懶,咁就慘喇!所以我唔可以停工,會適量照接活動工作,但拍劇就冇。」

【巨躉現形】呂慧儀俯身遷就小朋友高度,令巨躉現形。

【麒麟肉臂】呂慧儀一雙手臂勁好肉地,激變身形令她失笑。

【腰粗身橫】呂慧儀向來以高䠷見稱,懷孕後令身形向橫發展,腰肢變粗。

長腳蟹表示懷孕後沒有不適或嘔吐,口味亦沒太大變化,只試過食得太飽而嘔。她又稱重了約10磅,問到上圍升cup多少?她即大呻:「最唔習慣呢樣嘢,平時唔覺得自己好勁,𠵱家覺得太勁!我第一件事要買過晒啲衫,好快就有變化,換咗兩個cup(指胸圍)。」那懷孕7、8個月時怎算?她說:「個sales話我會再大,即刻滴晒汗,𠵱家已經好有壓力,只想快啲回復原狀,唔使咁大,太大好大負擔!」
長腳蟹指生仔生女都冇所謂,最重要是BB健康:「女就我可以扮靚,仔就跟阿爸去玩,老公應該鍾意女仔,我驚仔會同佢爭波踢。」她表示預產期是9月,但未決定在哪裏生及是否開刀:「醫生話𠵱家冇咁多人爭床位,唔使咁早決定,如果個B太大一定開刀,順其自然。」是否有勇氣順產?她說:「OK嘅,女人點都要經歷吓。」

老公黃文迪照顧周到,令準媽咪呂慧儀榮升女王。微博圖片

呂慧儀(左)與黃美棋一高一矮,相映成趣。

美棋BB緊身裙突圍

至於美棋BB拍埋長腳蟹身邊,一高一矮,相映成趣,但美棋BB身材也不輸蝕,穿上緊身裙令上圍更big,更疑凸出底褲邊,她即尷尬說:「唔好咁啦……之前出trip食多咗,同埋呢幾日period,我會努力減。」她表示見到長腳蟹穿高踭鞋一步一驚心,但見她如此快樂,自己亦有衝動於30歲前生兩個小朋友。
採訪:溫敏芝