巴塞隆拿俾國際足協（FIFA）禁止買賣球員一年，會長巴杜美已經同FIFA主席白禮達就呢件事通過電話，白禮達就講明唔係由第三者篤巴塞出嚟嘅。不過巴杜美仍然查緊邊個係金手指，又話球隊入面可能有內鬼㖭。而美斯（圖）就一於少理，最近佢喺意大利北部嘅度假聖地科莫買咗幢別墅，據稱朗拿度同碧咸都喺嗰度有物業㗎。