隔牆有耳 :EQ被嘲旅遊界議員 - 李八方

隔牆有耳 :
EQ被嘲旅遊界議員 - 李八方

狼振英被揭發2012年上任以嚟20幾個月,請咗五次大假,平均四個幾月就放假一次,加上成日內交,似離岸特首多啲!但講到「放假王」,立法會有個議員都好出名,新界東直選嘅民建聯葛珮帆EQ,不時被同僚笑佢更似旅遊界議員,三幾個月就唔見人,仲喺fb大晒旅行相。
八方粗略數過EQ喺2012年10月上任以嚟,已去過德國、馬爾代夫、埃及、杜拜等,加上跟國泰團去法國、隨立法會到韓國同歐洲考察,足迹幾乎遍佈全世界。