車神舒密加滑雪意外後暫時仍然昏迷，但德國傳媒報道，車神情況有明顯改善，而佢經理人啱啱亦重申，車神近日顯示出令人鼓舞嘅迹象，有機會醒番。佢又話之前傳出車神老婆打算喺屋企起合規格嘅醫療設施係無稽之談。不斷聽到經理人發出好消息，大家梗係開心，不過佢次次都係一句起兩句止，只係話車神情況樂觀，冇任何詳細資料，都唔知有幾可信。