雖然買家印花稅（BSD）同加強版額外印花稅（SSD）兩項樓市辣招，早前喺立法會驚險闖關成功，但查實剩番嘅雙倍印花稅（DSD），要過關都唔容易。DSD規定本身擁有至少一項住宅或非住宅物業嘅人士，再購買新增物業時要繳交相等於一般交易雙倍嘅印花稅。八方聽聞除經民聯、民主黨準備修訂，連建築、測量及都市規劃界謝偉銓呢位議會新丁，亦提出首個法案修訂，旨在為樓花物業買家訂立退還從價印花稅嘅期限，唔知佢呢次出招，會唔會一擊即中？