美聯（1200）被人狙擊，大股東黃建業再出手增持以鞏固地位。根據聯交所資料顯示，黃建業最近於上月31日和本月1、2號連續三日，合共斥資3,790萬元增持，持股量進一步升至18.01%。
美聯第二大基金股東Apex自從舊年底浮面，黃建業就喺12月中開始增持，買到今年1月底暫停，平均價由3.3元，買到3.7元，累計使咗接近1億元。佢等到業績後再增持，平均價已經去到4至4.239元，呢場攻防戰令佢花費不少。
黃建業噚日透過公關回覆，話因為對公司有感情、對前景有信心，所以增持，都係行貨嘢啦！
Apex本周二要求美聯管理層，就美聯業績盈轉虧同其餘多項疑問，喺十個工作天內作合理回應，否則，唔排除增持美聯至逾10%，召開股東特別大會查數。睇情形，未來兩星期仲有戲睇。