巫師周三喺主場以118:92贏咗塞爾特人，繼2008年後終於再入季後賽。成班球員梗係好開心，禾爾仲跳舞贈興。今場波發生咗段小插曲，喺第3節，塞爾特人球員喺場上圍埋開臨時會議，巫師嘅戈達無厘頭走去偷聽，又搭晒膊頭扮friend咁，一向偷聽慣嘅朗度竟然冇發現。戈達今場上演竊聽風雲嚟娛樂觀眾之外，仲入咗全隊最高嘅22分，出晒風頭呀。