皇家馬德里前鋒賓施馬（中）艷福無邊！呢位射手喺歐聯8強對多蒙特嘅比賽前，放咗張攬住兩位索女嘅相上網，喺張相見到佢戴住黑框眼鏡面露笑容，仲好似有少少醉醉哋㖭，睇嚟佢應該好enjoy。今屆賓施馬為皇馬上陣41場，已經入咗23球，對球隊嘅重要性唔會低過兩億雙翼基斯坦奴朗拿度同加里夫巴利，我求大俠就勸佢要醒醒定定，唔好蒲到腳軟唔識射波，令球迷失望呀！