泛民中人連日喺狂風暴雨下，喺滙豐中環總行門外紮營絕食慘況，唔只吸引各大傳媒採訪，連政府新聞處嘅攝記，竟然都喺前日罕有到場記錄絕食人士嘅捱餓慘樣。八方現場所見，呢位政府新聞處攝影師一到場，即刻拍低因為餓到體力不支而昏昏欲睡嘅「絕食仁」，其後就撲向絕食時間牌猛咁影，有現場泛民人士好奇：莫非佢係嚟幫政府收風？
八方向政府查詢，為乜會派新聞處攝記去影相？政府新聞處回應，該處攝影師經常拍攝「港人港事」，部份照片會用於新聞發放或刊物出版，其他則係香港生活嘅寫照，係本地圖片檔案重要部份。八方都好期待，政府刊物中會圖文並茂講吓呢單泛民絕食爭普選嘅事件囉！