老虎活士（圖）因為背傷，錯過咗最近幾個比賽，佢喺周二就宣佈終於做咗手術，過程好順利，但下周開打嘅美國大師賽同嚟緊嘅幾項賽事都唔使預佢喇。不過咁，目前總共贏咗14個大滿貫嘅活士，對打破高球名宿「金熊」尼克勞斯嘅18個大滿貫紀錄，依然好樂觀，38歲嘅佢話，自己仲有大把日子喺球壇爭逐喎。