多蒙特前鋒羅拔利雲度夫斯基（中）將會喺歐聯8強首回合作客皇馬嘅賽事停賽，落實下季轉會班霸拜仁慕尼黑嘅佢真係唔畀面，竟然趁停賽同老婆飛咗去慕尼黑睇樓。據知佢睇咗幾幢別墅，月租介乎7,500至10,000歐元（約8萬至10萬港元），但都唔係幾滿意。蜜蜂兵團嘅經理禾斯基就表示，其實羅拔仔已經一早向會方申請咗，球會亦都同意佢咁做。