左報抹黑泛民已經唔係新聞，不過淪落到歧視殘疾人士，就真係太冇報格、太過份囉。《大公報》前日有篇講周日佔中集訓嘅「報道」話，有市民喺集訓期間去示威，社民連成員黃浩銘即刻「非常陰毒地指派」工黨社區幹事葉榮走到前線頂住，因為葉榮係傷殘人士、要坐輪椅，《大公報》就形容黃浩銘「把弱者放在最前線」，手段鄙劣。
葉榮噚日就發聲明話，第一，當時佢係主動上前線嘅，所以《大公報》嘅講法，不單止誣衊咗黃浩銘，亦都貶低咗佢。
第二，《大公報》形容佢為弱者屬詆毀、看輕殘疾人士能力，佢要求《大公報》向佢及殘疾人士道歉。八方都知道《大公報》冇乜人睇，但係呢，位，並唔係咁上囉。