麥玲玲噚日喺油麻地出席Green Monday素食推廣活動，玲玲師傅話一個月食11日素，呢個習慣由十幾年前開始，主要同父母一齊祈福，就算依家雙親已離世，佢都繼續食素習慣，覺得比以前仲精神。
講到前晚香港落雹，問師傅是否天降異象有啟示？麥玲玲話：「天垂象，見吉凶，中國人對占星有研究，落雹係兵起、戰亂，依家國際關係緊張，台灣學運，馬年對馬係論盡，好似馬來西亞、馬航、馬英九、馬伊琍，馬會嘅馬要緊張啲。」
前晚落雹嗰陣，麥玲玲由上海搭飛機返港，覺得飛機好震盪，好在唔係坐國內內陸機：「內陸機機師成日行出嚟傾偈算命，降落先返入艙。」