由行政會議成員陳智思揸旗嘅亞洲金融（662），近年大力發展醫療業務，最新仲去到蒙古咁遠。公司宣佈，跟泰國康民醫院合作，斥資1.2億元收購蒙古烏蘭巴托醫院USBD 51%股權，亞洲金融佔當中兩成，按比例出資2,374萬元，換言之，亞洲金融實際只係佔UBSD一成股權。
根據資料顯示，USBD係一間非常出名嘅專科醫院，喺當地市中心商業區已經開業六年半，醫院一共提供98張病床，兼有60位醫生，主力為住院及門診病人服務。
陳智思早前已經表明心迹，希望喺上海同香港搞醫院同埋保健中心，擺明對呢個行業十分睇好，如今連蒙古都唔放過，將來肯定有排忙，所以佢之前實牙實齒話唔會選特首，睇嚟都應該可信……起碼可信過689囉。