【絕食爭普選第5日】
【本報訊】飢寒交迫，泛民絕食爭普選至昨夜已逾82小時，前夜在黑雨雷暴下在中環匯豐銀行總行外紮營露宿。絕食人士已現疲態，工黨何秀蘭與張國柱昨夜因身體不適相繼退出，但仍有參加者聲言會捱至體力透支才停止絕食行動。公民黨吳靄儀昨午到場探望一眾「雞蛋」：「有人話（絕食）有乜用吖，但每個人肯行出嚟為民主做嘢，都要支持為佢哋打氣而唔係冷嘲熱諷。」
記者︰陳雪玲
絕食踏入第五天，17名絕食人士中已有5人因身體不適退出，包括分別絕食74小時及80小時的何秀蘭和張國柱。何昨日已出現肌肉痛症狀，出席公開活動後腳踝險扭傷，決定退出。仍然「作戰」的絕食人士意志仍高昂，工黨林祖明直言：「絕食到體力不支為止。」他說縱使現在氣氛不夠熱，坊間亦批評時機未到，但他認為「民主、社運冇最適合時機，要有人行出嚟喚起大家嘅決心」。該黨郭紹傑亦說絕食行動不是「也也烏」而是「去到盡」。他為投身社運近日與太太起爭拗，但自言為了下一代會堅持下去，相信子女亦會體諒。
吳靄儀李慧玲探班
昨日雖然整天下雨，仍有不少人特意前來打氣，包括公民黨吳靄儀昨午到場：「有人話（絕食）有乜用吖？每個人肯行出嚟為民主做嘢，都要支持為佢哋打氣而唔係冷嘲熱諷。自己又唔做，人哋做又要嘲笑，其實呢啲人好多。」她說，會每日少食一餐以示支持絕食人士及抗衡嘲諷文化。
商台前節目主持李慧玲與記協主席岑倚蘭昨傍晚到絕食現場探班，分享民主與新聞自由的關係。李慧玲說民主與新聞自由息息相關，倘沒有新聞自由，香港下一代還可不可以知道真相？會否以為六四只是一場暴亂？會否以為梁振英是從不說謊的特首？沒有民主，政府只會更加胡作非為，對新聞的打壓亦會接踵而來。
工黨主席李卓人說，早前計劃絕食是因為新聞天天「洗腦」、宣揚政務司司長林鄭月娥的「一錘定音」：「我哋諗幾時反擊，點樣反擊，於是決定絕食。」民主黨楊森亦說，即使是黨內的年輕人亦不太認同絕食行動，網上充斥批評他們抗爭手法老套，時機不當，「但社運唔係一call就響應」，現在做第一波，5月第二波，到六四、七一、政改方案一出才可一呼百應。