末代港督彭定康上月底旋風式訪港，唔少香港市民再度懷念英國殖民治下嘅美好時光。英國駐港總領事吳若蘭（圖）噚日去立法會出席為領事而設嘅簡介會同埋午宴時，八方乘勢問佢，點睇港人英雄式歡迎彭督先？若蘭BB只係微笑不語，直入宴會廳，會後亦唔評論任何時事，可能費事又要「勞煩」外交部駐港特派員公署，要挖空心思發聲明鬧佢哋！
八方聽聞，阿根廷駐港總領事法沙爾席間曾質疑，香港點解會有功能組別？人力陳偉業引述對方更與同枱嘅自由黨張宇人就此激辯，而同枱嘅若蘭BB就一直唔出聲。唔知係咪天雨關係，簡介會噚日下晝12點開始，但若蘭BB姍姍來遲，遲咗20分鐘先出場。着住藍色外套配條灰色摺裙，帶埋條珍珠頸鏈，全身滲出陣陣英國優雅味。