雷霆前鋒杜蘭特（KD、白衫）真係遇神殺神，周日主場對爵士，個人又獨取31分，協助球隊以116:96輕勝，個人已經累積38場得分25分或以上，距離波神米高佐敦嘅40場紀錄只差兩場。雷霆呢排好旺，不過中鋒柏堅斯就唔多開心，本身已經因鼠蹊受傷，喺2月23號開始缺陣，球隊影大合照時仲冇預佢，搞到柏堅斯喺個人Twitter發晒脾氣，怪隊友點解再一次丟低佢！