金融界高層向來陽盛陰衰，南韓情況更為嚴重；不過韓國中小企業銀行（IBK）就打破呢個傳統，委任權善珠做新行政總裁，成為當地業界首名女舵手。
客人亮刀都冇有怕
權善珠今年57歲，1978年加入IBK，係第一批不分性別招聘嘅員工。之前IBK分男女招聘，女人通常只可以做較低嘅職位。跟權善珠同期嘅女同事都已經辭職，專心照顧家人，權善珠繼續做，終於做埋CEO。
權善珠絕對唔輸蝕畀男人，1992年佢係IBK分行貿易融資副經理，當時有個客以假文件要求銀行批貸款，權善珠當然唔制，個客竟然喺褲腳亮出一把刀，權善珠都冇就範，之後同個客傾咗成粒鐘，最後對方走咗，佢亦冇批出貸款。