上周「有完沒完」出街，收到一位讀者的私訊：「看完今日篇文，如骨在喉，不吐不快。小弟喺強積金客戶熱線工作，平時客人刁難事已習慣，但發現近年有好多怪獸家長，替自己的寶貝處理日常事情。例如扮廿歲後生把聲來電，為自己寶貝查戶口合併進度。又或者阿媽打來要幫個仔查資料，我問佢阿仔在嗎？因為必須核對個人資料，佢話阿仔好忙。忙咩？忙緊瞓覺囉！又或者打來講完一大輪，我話要阿仔自己打來問，怪獸家長話寶貝唔識問！更甚係大爺般打來話要幫個寶貝點點點，我話要寶貝自己搞，就一句噴過來：我係佢家長，我有佢資料，點解唔幫我做……而且貴子弟已年滿十八，開戶時不會寫明誰是家長，即使寫家長信來，我亦都無計。貴子弟忙於瞓覺，可以係瞓醒前親自打來。唔識問？教囉！若然他朝閣下騎鶴西歸，請問寶貝點算？唉！」
大學幼稚園化的下場，就是職場同步幼稚園化！唉聲嘆氣的，何只這位讀者？
還有讀者留言證實：「我有朋友有日在blog分享了女兒在學校被獎勵三張貼紙，結果隔了數天，被學校老師建議盡量低調，因為原來他的blog一直被不少同學家長在窺視，有人發現並不抵得為何自己的女兒只有兩張貼紙，結果不幸的老師被投訴了！」
這位爸爸的做法，很有參考價值：「三年級的兒子昨天放學後留校有活動，利用活動前時間做功課，不過卻留下未做完的功課在活動課室。
「家庭會議後的結論是：他自己今早去找，再找時間做，萬一找不到或做不完，就要有心理準備被寫手冊。家長早啲放手，成長會快啲。」
張慧敏
http://www.facebook.com/HKcareerdoctor