港交所（388）行政總裁李小加撐阿里巴巴撐到底。雖然李小加爭取唔到阿里嚟港上市呢宗大生意，但係佢繼續力撐阿里，針對四大國有銀行最近出手打壓阿里巴巴關聯公司支付寶，佢認為國有銀行、監管者應該名正言順去討論互聯網金融監管呢件事，唔好打死好東西。
李小加噚日喺深圳出席同一論壇，就住互聯網金融監管，形容：「其實本來是四個大人和100個孩子在幼兒園裏，大家都很有秩序，忽然一個孩子頭來了，咱們不聽他的。」
佢指出，大銀行嘅理據係，老百姓嘅錢放喺支付公司唔安全；支付公司卻指，上億嘅老百姓依賴佢，已經好方便。佢建議，監管者要想清楚想點監管。