【喚醒社會】
全長97分鐘的《未夠秤》濃縮了香港過去兩年波瀾萬丈的社會運動，有全程參與反國教的市民看畢仍很激動，憶起晚晚佔領公民廣場的日子，「佢哋可能未夠秤嘅關係，冇咁多負擔，變咗勇敢好多，反國教時候就令夠秤嘅人肯企返出嚟」。亦有從未參加反國教抗爭的家長，觀看紀錄片後自愧不如。
促使成年人站出來
《未夠秤》重溫2012年港人的怒與淚，梁振英上台、國教風暴、六四集會、7.1遊行和立法會選舉。一幕幕情景喚起觀眾回憶，羅小姐看畢激動得接連深呼吸，「我又開始激動，好感動，呢班小朋友過去喺政總嘅時間，我差唔多晚晚有去，我睇返原來已經過咗咁耐」。她指參與社運年齡並非重點，學生有否社會意識才重要，但年輕一輩行動，的確促使更多成年人站出來參加社運。
鄧太從未參加反國教運動，2012年立法會選舉亦沒有投票，只去過六四集會和7.1上街，平日忙於照顧六歲的女兒，但看畢紀錄片感慚愧，「睇完齣戲好似提醒咗我，成年人應該對社會孭起更多責任」。《未夠秤》導演Matthew的老師、香港電影電視學院鄧舒曼教授昨亦有出席首映，他為學生的作品感到自豪，認為年齡從不是參與社運的門檻，「唔係睇佢夠唔夠秤，而係個態度同理念啱唔啱」。
《蘋果》記者