威靈頓鳳凰識攻唔識守，周日於澳職迎戰火力強勁的阿德萊德聯，料演入球騷，熱捧1.65倍的入球「大」。
鳳凰是正宗只攻不守的球隊，24場常規賽入34球及失42球，並開出了15「大」9「細」。雖然他們現傷兵滿營，缺貝圖斯及伊菲爾等，但有中場大腦靴南迪斯傷癒復出，與侯斯甘斯合作攻堅，入波能力有保證。
阿聯同樣是進攻型球隊，但防守比鳳凰好，過去24輪入42球及失32球。要留意，3大攻擊主力摩拉利斯紐曼、法比奧費拉拿及沙治奧施里奧超「弗」，常規賽共入25球，有力撕破鳳凰疲弱的防線，今仗必捧入球「大」。另外，阿聯人腳較鳳凰完整，加上近5次對賽錄得3勝1和1負，故[+1]「客勝」值博。
噴射機食硬殘光輝
同日珀斯光輝主場對紐卡素噴射機，光輝雖有前阿仙奴後衞加拿斯壓陣，但近況甚差，對上10場竟錄得3和7負，而且傷兵多，包括缺射手史美斯，故周日迎有當勇前鋒阿當泰加特撐場的噴射機，應難逃一敗。噴射機少讓平/半，必捧上盤。文：青蛙仔