【張耀榮逝世之獻花寄意】演唱會之父張耀榮上周二因心臟病猝逝，昨晚音樂人伍樂城在紅館開騷，耀榮娛樂有份協辦其演唱會，杜汶澤、容祖兒、Twins、許志安、梁漢文、陳小春和楊千嬅等，昨午齊集紅館後台出席悼念耀榮叔的儀式。眾星先進行默哀，其後又逐一獻花，向耀榮叔致敬。開騷時由雷有暉和鄧建明唱出《朋友》向耀榮叔致敬。
昨日的悼念儀式，耀榮叔的元配羅桂珠及二太太陳月桂及子女均有到場，即使他生前坐慣的七人車也有停在後台，出席歌手在何麗全帶領下，一字排開默哀一分鐘，然後各自拿着白菊花獻放在鋪上白布的枱上，由於耀榮叔生前嗜飲可樂，故有親友在枱上放了一支可樂，姍姍來遲的容祖兒則後補獻花。伍樂城這個騷剛好是耀榮叔離世後首個他有份協辦的紅館騷，Twins等都有向元配張太送上慰問。
控制台下留吉位
何麗全表示耀榮叔每次必看有份搞的騷，還會指定坐控制台下一個位置，何麗全說：「今晚都會留呢個吉位畀佢，張太陪佢坐。」耀榮叔的兒子張永康指扶靈名單和治喪安排稍後公佈，他說：「我哋計劃出殯嗰日安排靈車兜去紅館拜神位，嗰日係阿Sam（許冠傑）演唱會，主辦單位冇問題，但要向紅館申請。我哋家人都平復咗心情，係唔捨得，佢死得好突然都冇乜遺願。」容祖兒表示張太曾說耀榮叔笑言愛紅館多過愛回家。
陳慧琳（Kelly）以螢光舞衣出場，她唱了《最愛演唱會》後說這首歌要來悼念耀榮叔，她說：「佢為香港人做咗好多最愛演唱會，今晚在座每一位相信都想同佢講句多謝。」Kelly說完便想喊。
採訪：王連連
攝影：仇志德、陳順禎