【絕食爭普選 第3日】
【本報訊】民主派絕食爭普選行動今進入第三日，香港教區榮休主教陳日君樞機昨親到中環滙豐總行外，為17名絕食民主派人士打氣。陳樞機稱教宗方濟各常提及的弱者，正是沒有普選的港人，表明考慮投入下一輪絕食行動，願意為喚醒市民而受苦，強調港人絕非北京的奴隸，不要因北京威嚇而放棄真普選，要相信團結會有奇蹟出現。
記者：林俊謙
繼民主黨創黨主席李柱銘前日為民主派絕食人士打氣後，陳日君樞機昨日傍晚在和平佔中發起人朱耀明、牧師胡志偉陪同下，到滙豐總行門外出席民主普選沙龍，探望17名為爭普選而絕食的民主派人士。
「放棄就中咗佢哋圈套」
陳日君在會上表示，他情願不吃晚飯，也要到場支持絕食人士，因為教宗方濟各及《聖經》，要求神父、教友要支持弱者，「現時香港最弱係你哋（絕食人士）」，又稱教宗經常提及的弱者，其實正是至今仍等待普選的香港人。他強調自己是代表天主教支持絕食行動，因天主教早前兩次清楚表態，希望政府盡快落實真普選。
對於基本法委員會副主任梁愛詩、律政司司長袁國強昨日向絕食行動大潑冷水，指行動「冇用」，陳日君反駁稱，任何爭取普選的行動均有價值：「就算人哋睇嚟冇用，我哋覺得都係有用。任何一個行動，係有佢嘅價值」。陳日君指絕食代表願意付出代價去爭取普選，「絕食其實係用一個行動、去講一句說話，句說話即係我哋願意付出代價，希望真係快啲畀（普選）我哋、已應承咗好耐畀我哋嘅普選權利，呢句說話係好有價值」。
陳日君認為，絕食並非「唔實際」，因可透過個人受苦，喚醒港人關注普選，「（絕食）可能好唔實際，但係好有意義，我哋為所有香港人受啲苦，希望引起大家關心呢啲嘢（普選）」，又指雖然政務司司長林鄭月娥以「一錘定音」，想恐嚇港人放棄真普選，但他希望港人千萬不要放棄，「我哋如果放棄，就中咗佢哋圈套，我哋一定要堅持落去，唔好介意對面講乜嘢說話，我哋亦要講我哋嘅說話」。
正考慮加入絕食行動
陳呼籲更多港人及教友加入和支持絕食行動，又以當年波蘭團結工會運動，觸發東歐民主運動為例子，認為任何爭取真普選行動，遲早都會有效果，「如果我哋團結，可能會有奇蹟發生」。
早前李柱銘已表明隨時願意投入絕食運動，今年已82歲的陳日君昨日亦公開表明，正考慮參加絕食行動，又笑言已為絕食進行「練習」，「遲啲都請埋我參加（絕食），我都練習過，試過（為校本條例）絕食三日」，強調有準備適當的時間可以參與：「我好慚愧，我唔準備死㗎，但我絕食係希望維持多啲時間，但如果對生命有危險，我要請醫生幫個忙」。
陳坦言曾擔心絕食會否打亂佔中，但他眼見北京、建制派不斷出手打壓真普選，「因為最近有好多聲音、好多說話壓過嚟，壓到我哋頭上，我哋冇反應係唔得」，他對此感憤怒，「我哋唔係奴隸，我哋係中國人，佢以為佢講一句，我哋就要聽，我哋唔會接受，所以任何行動，都係對強權壓迫一個適當回應」。絕食行動總指揮李卓人對陳日君對絕食行動支持表示感激，17名絕食成員表明絕不退縮。