臨近季尾，又到咗各個獎項接受投票嘅時候。西布朗門將賓科士打身為英格蘭職業球員工會會員，係合資格嘅選民，當然履行義務投下神聖一票啦。佢前日就喺twitter公開咗自己張選票（圖），原來佢心水球員先生係fit爆嘅利物浦前鋒蘇亞雷斯，最佳年青球員就投咗修咸頓新星勞基梳爾。另外，賓仔似乎幾欣賞今季嘅車路士同利物浦，兩隊各有3個球員入到佢嘅最佳陣容。
