知名藝人肯性感演出，很多時會說是為藝術而犧牲，杜汶澤在電影《3D豪情》中激戰日本AV女優，鏡頭前艷福無邊，恨死宅男；鏡頭後不舉及險盲，蝦碌百出。但還不及阿澤從AV女身上悟出演員身體屬於觀眾的真諦，令他決心放下心理包袱，做好呢份工！
撰文：比華利、藍文浩
香港上映日期：4月3日
杜汶澤最近為電影《3D豪情》賣肉，跟日本AV女優肉搏連場，沒自吹自擂，還自愧表現未及對手。這場中日交流，令阿澤獲益良多，除了衝破演員拍情慾戲的心理關口外，還拜了有「神之手」之稱的日本AV男優加藤鷹為師，練得「神之指」絕技。阿澤在片中扮演AV男優小澤馬里奧，是他從影以來最多情慾戲的電影，先後跟「人類最強body」、42L上圍的沖田杏梨、辰巳唯及港男集體回憶的夕樹舞子等埋身肉搏，令他回味無窮。阿澤日前與三名AV女接受訪問，四人重逢，鏡前鏡後都自動波扭作一團，重返溫柔鄉的阿澤，全程表現風騷。
口硬心軟變病夫
夕樹是陪着阿澤成長的女神，他想不到大家竟會有零距離的親密接觸，阿澤抵死說：「佢對『胸』器射落唔少不明飛行物體，我呢次仲同佢全接觸。大家拍戲嘅第一日，我心跳加速，手心冒汗。」心理反應已有，生理反應又如何？阿澤說：「我一直希望自己可以有反應嘅，始終香港人，生活喺呢個年代，邊個唔想成為硬漢子，留下美好回憶。可惜現場我太緊張，口硬心軟，做唔到大鵬展翅，變成小鳥依人，惟有吞咗『東亞病夫』四個字落肚。」
見慣世面的夕樹看到阿澤表現失威，不但沒取笑，還好言安慰：「佢話冇反應係正常，因為拍戲有別拍AV，唔可以一氣呵成，去到重要關頭就cut。似足細個帶女同學返屋企匿喺房溫習，阿媽得閒就拍門送湯入嚟，乜嘢興致都冇晒。」
接觸過沖田的L奶，阿澤力挺純天然，比喻手感如元蹄，他說：「有場戲佢用對胸係咁撞擊我塊面，佢撻落嚟嗰刻，直情係街巿豬肉佬將元蹄撻落砧板一樣。」雖然軟綿綿，但沖田一對共八斤重的「元蹄奶」攻擊力驚人，差點令阿澤變獨眼澤，他說：「因為佢乳頭唔覺意插咗入我對眼，痛到我標眼水，要即叫停機！佢嗰度大過手指，插入嚟又集中，呢次真係左眼見到奶！」
辰巳唯與阿澤的一場戲，交代她倒轉身趴在阿澤身上咬他的腳趾，本來導演只拍特寫，她可以穿回褲子，但她卻嫌麻煩，寧願繼續全裸。兩人配合倒轉身姿勢，她的下身對正阿澤的臉，「澤聞西」便成阿澤新花名。
AV女無懼旁人目光，片場內外赤裸上陣，令阿澤放下警界線：「佢哋教曉我，演員身體係屬於觀眾，所以我拍到中段都赤條條喺片場周圍行。」他從AV女身上悟出演員身體屬於觀眾的真諦，令他決心做好這份工！「小澤」罕有曝光，但對比AV女震撼性坦蕩蕩，男工作人員的目光豈會不是異性相吸，風頭被淹的「小澤」，幸得辰巳唯稱讚是「Top Kill Tower（Tokyo Tower東京鐵塔）」，阿澤半信半疑：「唔知真定假？」
加藤鷹授神之指
阿澤從加藤鷹身上學成神之指，是否老婆田蕊妮直接受惠？他說：「可惜佢係視后，好多時間喺電視台開工。」有一技傍身的阿澤持別招積，他說：「身體有啲部份老咗機能衰退，但手指就可以用到一百歲，仲可以濟世為懷，伸手助人。」
沖田自豪擁有42L人間「胸」器，她更為生財巨奶投保1億日圓（約760萬港元）。巨咪令沖田帶來艷羨眼光，但也經常造成不便，她尷尬地說：「有時候經過太狹窄的地方會無法經過，於書桌前看書，揭頁時亦有困難。」
另外，阿澤日前接受網站訪問時，被問到若成為特首會怎樣施政？他說：「我點會做特首咁戇X，我做杜汶澤咁好，點會走去做特首！香港𠵱家比大陸更『左』，全因香港人一向識時務，有人為咗一啲佢哋以為可以得到嘅利益而欺凌同胞，即係香港人，呢樣嘢最可怕！」覺得香港可還有法治？阿澤覺得澳門先進過香港：「噚日我老婆先問，點解啲大粒佬咁大粒都俾人判坐監？不過就算外國點好，有錢得閒咪去住，唔會移民，我喺度出世，你嚟我就要走，你係邊個呀？如果你話『𠵱家我比你強喎』，咁你要整死我先知喎。」
髮型：Tim Ng
化妝：小鬼（杜汶澤）