聯想（992）04年收購IBM電腦業務，幾年後遇上百年一遇嘅金融海嘯，拖累生意一落千丈，要現任榮譽主席柳傳志復出救亡。柳傳志噚日喺科技大學向學生發表演說，披露當年嘅死因係收購後文化磨合有問題，同埋管理層短視所致。
柳傳志透露，聯想當年完成收購後，請來外國人擔任CEO，主席係楊元慶；CEO任期五年，薪酬以盈利表現掛鈎。雖然市場分析當時電腦市場，消費客戶市場增速快過企業客戶，但IBM以企業客戶為主，要開拓消費者市場，意味需要作出額外投資，研發消費者電腦及市場拓展，此舉會增加開支，削弱盈利表現，所以CEO一直抗拒咁做。
結果楊元慶不斷跟CEO發生磨擦，一間企業嘅一、二把手互相唔妥對方，公司嘅業績又點會好呢，最終咪要柳傳志重出江湖收拾殘局囉。