張家輝、吳彥祖、思漩及導演林超賢等昨在灣仔會展出席新片《魔警》記者會，老闆楊受成在台上爆家輝由120日檔期減到只得12日檔期，家輝即笑說：「楊生只係講笑，我畀咗無限期出嚟，老闆係詐嬌詐型，因為我當時同時拍緊《掃毒》。」其後家輝反詐老闆型：「邊係我哋啲小員工話幾時開（工），係老闆話即開，我哋咪疲於奔命。」問家輝近年是否賺很多？他笑說：「最平係我，冇陰功呀！快啲幫我利用傳媒壓力加價，加三、兩億梗要。」
林超賢指為了助吳彥祖入戲，在片場下令要孤立他，不可與他傾偈。吳彥祖表示拍戲多年，以該片最黑暗，拍攝時都有抑鬱：「嗰時太太啱啱大肚，我又為部戲瘦咗30磅，返到屋企冇乜講嘢，好彩老婆明白冇鬧我。」
採訪、攝影：溫敏芝