【本報訊】拼過40日硬仗，碼頭業職工會形容只獲「半杯水」勝利。這一年來，工會嘗試不同途徑跟HIT討回另外半杯水，為工人爭取合理加薪和工時，對方拒絕聆聽，就連勞工處舉行的職安健講座，也不肯同場討論，「唔係同佢分身家，係講安全問題，佢哋都say no（拒絕），氣燄大得驚人」。工會總幹事何偉航向資方釋出善意：「工會溝通橋樑大開。」
會員人數由罷工前200多人增至約700人，何偉航說工會規模仍細，難明HIT仍像驚弓之鳥，「就好似國王的新衣，高高在上，別人嘅聲音永遠聽唔到」。他認同HIT作出了改善措施，但只屬表面，工人依然弱勢。
難忘學生苦行聲援
罷工多日他坦言是意料之外，更沒想到影響深而遠。去年太古汽水廠工潮、高鐵工人罷工，或多或少都受這場抗爭所啟發。「令工人明白到集體力量嘅重要性」。罷工初期，一班學生由中環長江中心出發，苦行12小時到葵涌貨櫃碼頭聲援工人，當晚工人炮製「工人雞煲」慰勞學生，他最記得這一幕。
學生聲援壯大了這場工運。現職社工的陳柏亨去年是城大三年級生。工潮期間，他跟工人在碼頭遊行，聆聽他們的故事，與其他義工合力編寫《大眾碼經》，讓外界了解工人辛酸，「最記得有工人擔心生計，又要畀家用，但都支持罷工，希望第時畀仔女知道，爸爸曾經為公義企出嚟」。他坦言，雖然工潮成果不似預期，但過程中讓公眾知道罷工原是可行，更關注工人權益，「工人運動係可以影響到咁深遠」。