去年底檢討，覺得上季貼得太多，不如限死貼10隻以下，維持表現。第一季就完，反正冇乜好炒，本欄偷步公佈業績。今季本欄在報章中共貼7隻股，大部份在臉書叫落車，4勝3負，但平均輸2.2%。
金天醫藥（2211）：本欄今年首年推介，一推即升，並在facebook進行2.91元到價落車提示，升10.2%。
中外運（598）：在臉書最先3.05元推，短線見底後回至3.31元落車，遺憾是重回3元水平冇買番。
信行（998）：推介開市價4元，現時升9%，一直冇乜點理，建議落車。
港視（1137）：推介開市價2.87元，曾即日炒高，衰貪心回至3.03元才在臉書叫落車，賺5.6%。
天工（826）：本季唯一一隻信報告的股份，亦是輸得最甘的一隻，推介日2.56元，至今1.88元，勁輸27%，可謂一隻累全家，建議全部落車。
龍昌（348）：臉書推介時1.09元，之後幾日都有升勢，但冇食糊，旅行前減半，回來後不見天日，至昨才叫落車，蝕少一半都輸6.4%。
世達（1282）：完全摸頂，估錯業績，原來公司賺錢只是靠炒股，0.6元高位摸入，旅行前減半，昨認輸，都要蝕15%，好甘呀！
下周開始本欄改為在蘋果即時新聞發佈，敬請繼續留意！
高明
http://www.facebook.com/AppleKoming