新晉組合---天堂鳥呢個名你聽過未？如果睇過佢地首歌《登陸太陽》嘅MV，一定有印象。佢哋呢個MV最近喺網上瘋傳，唔係因為佢哋勁呀，睇過MV嘅網民笑佢哋造型滑稽咋，不過冇計啦…呢排吹韓風，個妝有眼線、眼影、胭脂粉是常識吧！成個MV係咁跳「韓國式舞蹈」，不過…場景冇變，由頭到尾都係同一個囉！
相比起另一支MK味濃嘅新組合，人哋就玩Story Mode、有外景、有廠景、又有埋成堆「茄呢喱」，幾有heart呀！不過啲舞蹈，有啲似當年叱吒風雲嘅張如城…唉！點都好喇，呢啲歌真係「聽過之後返唔到轉頭o架…」所以，「識聽，就一定聽呢啲！」