我的世界盃始於2006年，那年吸引我看的原因是朗拿度。平時留意足球體育新聞，被朗拿度腳法吸引，於是追看世界盃（但最後衞冕的巴西8強出局）。但今屆，我肯定支持亞洲球隊，因我是曼聯躉，好想支持同我「咁高咁大」的香川真司。
大家不要誤會，我不是用自己比香川，我說的「咁高咁大」，是指他的身形及出生地，他是一般亞洲運動員身形，但好難得可以踢英超大球會曼聯，與一眾外籍球員比拼，英超世界的競爭又相當劇烈；他的技術比之前曼聯的朴智星好很多，除跑得快、夠勤力外，踢波sense、腳法都好好多，可惜莫耶斯不肯重用他。
我小時候曾有一段時間沉迷足球，但到中三後因羽毛球比賽開始頻繁，教練亦怕我踢足球會受傷，所以就停了。今屆世盃好想支持香川真司的日本隊，因我對AC的本田圭佑亦非常欣賞，好難得亞洲球隊竟然可以有這兩位如此高質的球員，希望日本隊可以入到4強。
除日本外，當然我亦支持衞冕的西班牙，他們輕輕鬆鬆好似波子機「撞吓撞吓」就入波，雖然我想西班牙勝出，但睇好德國奪盃，他們上屆已好有紀律、擅踢穩守突擊，好勁！