中央唔like泛民「勾結」外國勢力，偏偏泛民又好受外國歡迎。好似公民黨法律界議員郭榮鏗Dennis，早前獲美國布朗大學香港同學會「欽點」，邀請佢為"Reframing Hong Kong:Challenges and Opportunities in the City, 2017 and Beyond"會議做主講嘉賓，闡述一國兩制意義，兼講2017年普選特首重要性。除咗Dennis，資訊科技界代表莫乃光都係嘉賓，佢哋仲拜訪香港駐紐約經濟貿易辦事處，唔知呢啲舉動會唔會又俾左報抹黑？Dennis話呀，此行同一班九十後香港留學生傾普選外，亦講公民提名，氣氛非常好，仲俾當地同學仔熱情感動，覺得佢哋雖然身在外地，都好掛住香港將來，由此令佢覺得香港嘅將來係有希望㗎。