當年自豪負責承建張耀榮世界舉殯

當年自豪負責承建
張耀榮世界舉殯

【張耀榮逝世之殮房認屍】演唱會之父張耀榮前日凌晨因心臟病猝逝,昨早其元配羅桂珠及二太太陳月桂一家及親友一行十多人到富山殮房認屍,他們在殮房逗留個半小時,離開時各人神情哀傷,二房兒子張永達雙眼通紅,臉上有淚痕。
約10時半,眾人再從九龍塘的寓所出發,先到紅磡海逸豪園用膳並商討張耀榮身後事。

張耀榮的兒子張永康與母親羅桂珠(右二)昨日到殯儀館商討喪禮。

二太太陳月桂(右一)在女兒張麗芳(左二)和兒子張永達(右二)陪伴下離開。

公司照運作

兒子張永康透露喪禮暫定下月18及19日,於世界殯儀館以道教儀式舉行,他說:「世界殯儀館係我爹哋幾十年前做承建商,成日話好開心,香港得幾間殯儀館,其中一間有份起。」問到其母心情?他說:「老人家梗係唔開心。」女兒張麗芳則透露耀榮娛樂會如常運作,明日會如期舉行伍樂城音樂作品展:「我哋會延續爹哋將娛樂帶畀大家嘅精神。」接着一行人去到世界殯儀館。
張耀榮突然離世,不少圈中人感惋惜,與張共晉最後晚餐的狄波拉,昨日在電話中說:「前一晚(離世前)仲好好胃口,估唔到早上就收到噩耗,我哋識咗三十幾年,全家人都得到佢嘅支持,佢唔止係黃大仙,每事都好用心用力去解決,見到佢默默幫人,係個太有愛心嘅人,我唔會忘記嗰晚共聚嘅溫暖。」

祖兒喊好耐

早年獲張耀榮賞識,力撐在紅館開騷的朱咪咪也說:「知道呢個消息好傷心,我入咗紙申請2015年2月紅館嘅檔期,本來諗住同佢合作,點知𠵱家發生咁嘅事,如果開得成,我都會有一個構思紀念佢。」
此外,吳雨昨日在灣仔出席微電影活動時說:「佢係一個好好笑同可愛嘅老人家,又冇架子同唔計較,佢離開係好大損失,希望佢喺另一個國度繼續演唱會嘅事業。」
容祖兒昨日在尖沙嘴出席慈善活動時說:「我喊咗好耐,好唔捨得佢。我哋最後一次見面係喺春茗,嗰陣仲話要同佢影多啲相,因為我唔知下次幾時再開演唱會。我未知可唔可以去到佢嘅喪禮,因為要去橫店開工。」
採訪、攝影:陳俊強、比華利、皓騫、王連連