海迪近年開咗個WeChat賬戶，專門和內地朋友聯絡。雖然它功能頗多，畫面又識落雪花，又有遊戲玩，但如果有得揀，WhatsApp仍會是海迪的首選。有人話WhatsApp太頹，無用盡自己嘅potential。但即使係咁，WhatsApp仍然唔需要花費一分一毫去做宣傳，就已經獲得全球用戶4.5億，最後仲有金主願意以天價收購㖭。你話咁辛苦做乜呢？
那騰訊（700）旗下的微信和WeChat（即海外版）呢？佢哋嘅做法就似乎與WhatsApp相反。微信着重用戶體驗，搞好多花臣，希望用家感覺新鮮、有趣。它們在攻海外市場時，尤其需要投入大量銀彈去搞marketing。
騰訊去年第四季，銷售及市場推廣開支就按季大升38%；如全年計，費用合共57億人仔，按年增長90%。與此同時，微信活躍用戶季內僅升6%，至3.55億戶，比第三季15%的升幅顯著放緩。海迪相信WeChat在亞太區仲有一定優勢，但去到歐洲，當地人就未必識欣賞其心思了。
如果微信真的能把「人流」轉介至它自己有份持股的平台上（如京東商城、土豆優酷等），在帶動別人生意的同時，騰訊市值亦可水漲船高，咁雪球就可以繼續滾下去，前途無可限量。只是，騰訊要再製造「人流」所付出的成本，到底有幾貴？然後你再望一望佢個估值，當中不是沒有風險的。
海迪