九龍城曾經因為九龍寨城加上啟德機場，令區內食肆生機勃勃；滄海桑田，寨城拆咗，機場搬咗，九龍城好似沒落咗，但郵輪碼頭出現，又有番啲生氣。坐落南角道食肆「城寨風味」老闆周健忠話，希望趁10周年，牽頭為呢區嘅食肆搶啲郵輪客人嚟感受寨城史，順道試吓寨城風味。周健忠大呻，最近興建沙中線啟德站，搞到區內沙塵滾滾，趕走好多客，𠵱家惟有靠自己，除咗招牌即燒乳豬、糯米蒸羔蟹，會諗多啲fusion菜如法式城寨燒豬髀，吸吓新客同郵輪客。原來佢哋個八十後業務助理Eva，幾代都喺寨城住，有城寨公主外號。Eva憶述嗰陣住城寨八樓冇電梯，難忘細嗰要落街擔水，有啲女鄰居仲着埋泳衣喺街沖涼，歡迎顧客邊食邊同佢傾偈。