想要股神畢菲特個頭？只需29.99美金（約234港紙）！不過唔使驚，呢個頭一啲都唔血腥，只係由裝飾用貼紙公司Fathead製作嘅股神大頭貼，貼紙上嘅股神個頭圓碌碌兼笑容滿面，幾可愛㗎！Fathead推出嘅股神大頭貼，尺寸48cm×60cm，喺Fathead嘅網站獨家發售，所有盈利將會撥捐底特律兩個非牟利機構。之但係，股神又唔係財神，唔通將佢個大頭放喺屋企或者公司，就可以令人買中股票賺大錢？華華點都唔信，就連股神都話，好驚訝竟然有人想買自己個大頭貼呀！