情慾，始終以情字行先，這是人與畜牲的分別。陶傑有感而發地說：「所以人係需要有人性嘅追求。你鍾意住喺極權獨裁社會，定係鍾意生活喺自由善良嘅空氣？人性嘛，有人鍾意天生畀人管咩？有人天生鍾意問過阿爺咩？我唔信囉！」他引用經典電影《卡利古拉》開場白「一個人得到全世界，但失去靈魂又有何用。」肥佬黎問陶傑靈魂還在？他說：「我諗喺度嘅，點會話冇。少少都要留返畀自己。」
講到拍戲辛酸，陶傑大爆資金曾一度出現問題，嚇得他泛過自殺念頭，他說：「有人嗌要回水，出現咗少少誤會。嗰晚我接到電話手都震埋，話我某啲地方冇履行到合約。第二朝，我即係搭車去佢寫字樓同佢解畫，卒之都拆得掂。離『自殺』兩個字差兩吋咋。」
才子死過翻生亂噏一番，星期四晚十一點《亂噏24》！
服裝:ANTEPRIMA