【本報訊】旅遊業議會公佈下月復活節團費，平價團團費按年平均下跌7%，但貴價團團費平均上升11%，日本本州豪華團增幅最大，按年升一倍至逾四萬元，惟一出即爆滿。旅遊警示黑轉黃的曼谷推出復活團僅減價一成半至兩成不等。旅議會預計復活節期間營業額按年升8%至26億元。
記者：蔡朗清
旅議會總幹事董耀中稱，復活節平價團費跌幅最大是泰國五天團及北京五天團，跌幅同樣是19%，「復活節前夕，曼谷旅遊警示由黑轉黃，開始有番團去曼谷；但復活節曼谷團價錢無預期跌得咁犀利，因為黑色旅警只係令港人卻步，外國旅客一直有去曼谷玩，所以當地旅遊業界好似酒店，唔肯喺復活節旺季減價太多」。長線團如歐美、澳紐及非洲團費均有跌幅，其中非洲團跌幅達22%。
董耀中續稱，復活節豪華團團費按年平均增幅11%，又以日本團費增幅最大，當中本州五天團由去年20,198元，增至42,880元，幅度112%；其次北海道五天團，由去年11,299元增至23,328元，幅度106%，「食好住好嘅豪華團捧場客越嚟越多」。
泰國復團劈價四成
韓國五天豪華團團費亦按年升五成至11,999元，越南及馬來西亞團亦升兩成半，「港人無話馬航事件唔敢去大馬，反而受到最近喺檳城取景熱播嘅電視劇刺激，湧晒去檳城」。旅議會料復活節出境團營業額有8%增長，「去年3、4月兩個月的出境團營業額24億元，今年會升至26億元」。
東瀛遊執行董事禤國全指出，下月復活團最熱賣分別是日本、韓國及台灣，迄今已滿了九成半，當中日本豪華團很受歡迎，「我帶隊一個伊豆溫泉五天團，團費四萬幾蚊，名額40人，一出就滿咗」。他說，雖然日本下月起將消費稅由5%加至8%，無損港人遊日意欲，「以一個團費8,000蚊嘅日本團計，要交消費稅嘅食住部份佔5,000蚊，多咗3%消費稅都係多咗百幾蚊，影響唔大」。
康泰旅行社董事總經理黃進達說，泰國最近復團，頭炮4月2日出發曼谷團劈價約四成售1,399元已成團，料刺激更多港人復活節前往曼谷，「泰國復活團按年減價兩成，都幾吸引，但要全面復蘇就言之尚早」。他表示，受到《來自星星的你》熱潮帶動，復活節的韓國旅行團也熱賣。
