九龍倉（004）2012年喺旗下海運大廈露天廣場舉辦叮噹誕生前100年祭，擺放咗100隻不同造型嘅叮噹畀大家任影唔嬲；太古地產（1972）今年夏天亦搵來100隻雕塑來港，不過唔係卡通公仔，而係大象，來一個大象巡遊（Elephant Parade）。
大象巡遊早於2006年由一對外籍父子發起，雕塑尺寸同形態仿照真實嘅初生大象，再由各方人士設計，全部有不同造型，多年來去過全球多個國家展覽，包括新加坡、米蘭、荷蘭，𠵱家喺英國，今年夏天就會來港，擺放喺太古地產旗下太古廣場、太古城中心、東薈城名店倉，藉此宣揚保護大自然生態嘅訊息，並為野生亞洲大象保育籌款。
雖然呢個大象展覽未必好以叮噹一樣，輕易引起大家嘅集體回憶，齊齊走去朝聖，但應該都係一個有趣嘅展覽。