莊思敏（Jacquline）、方中信等前日於珠海參加Clio賽車名人組賽事，Jacquline幸運奪得亞軍，僅次於錢嘉樂，而方中信則奪得季軍，Jacquline對於首次參與正式的賽事已能捧盃，大感意外，她說：「真係估唔到，今次賽事有16人參加，係男女混合嘅，當中有一個仲要係職業女車手，我排位賽時係排第尾，只係諗住參與攞經驗，冇諗過攞獎。」Jacquline笑言大家都取笑她是「執死雞」奪盃，她說：「師傅教我唔使理其他人，唔使鬥快，安全完成賽事就得，但係因為前面競爭好激烈，所以發生咗意外，我真係執到死雞，勁開心。」今次捧盃後，Jacquline的車隊會繼續獲贊助，她5月將到馬來西亞參賽。
採訪：唐如