謝賢（四哥）與狄波拉（拉姑）昨日與友人到中環置地廣場high tea，其間四哥拿手機相片給拉姑欣賞，估計是一對孫仔的近照。四哥離開時，記者問到張栢芝日前帶同兒子返港，二人有否見過孫仔？拉姑說：「今日同爺爺約咗㗎啦。」
問四哥女兒婷婷與戴尚安（Sean）拍拖，他聞言即扯火手指指說：「唔好問我呢啲嘢，問呢啲嘢我就鬧你哋㗎啦。」但之後有記者再問婷婷是否碌爆家人給她的附屬卡，及是否不喜歡二人拍拖，四哥更㷫爆咬牙切齒說：「你係咪想我兜心口打你！問埋啲咁嘅嘢！」此外，栢芝曾跟C AllStar成員釗峰傳緋聞，昨晚她仍不避嫌到紅館欣賞C AllStar演唱會。
採訪、攝影：吳耀輝、黃曉程、王連連
