【殃及池魚】
架鐵馬、豎圍板、扮工程，為了趕絕夜市小販，領匯可以去到幾盡？有彩園邨居民投訴，領匯最近在深宵時分把彩園商場部份出入口關閉，一直使用商場捷徑往返車站及彩園邨的居民被迫繞路歸家。
彩園邨居民莫小姐稱，很多邨民以往晚上下班乘港鐵回家，都會穿過彩園商場，從港鐵站可以快速返抵彩園邨。商場管理處為便利居民，在深宵店舖關門後，仍會開放出入口。但自從領匯打擊夜市小販措施生效後，商場便會間中封閉鄰近彩珠樓的出入口。至上周四晚，更開始長期封閉多個出入口，居民被迫兜大圈歸家。
「擺鐵馬仲阻路」
莫小姐懷疑領匯是為了堵塞小販走鬼路線，而犧牲居民捷徑。她說，上水食肆都很早關門，居民很需要熟食檔在深宵醫肚：「尤其是領匯接管咗彩園商場之後，冇晒小商戶，啲嘢又貴又唔好食，惟有幫襯小販。冇錯小販係有少少阻街，不過咁多年都慣啦。而且領匯為咗打擊小販，條天橋成日擺晒鐵馬同封晒膠帶，咪仲阻路！」
領匯回應稱，為加強晚間保安管理，商場辦事處於晚上10時商場營業時間過後，把部份出入口關上，而場內還共有五個出入口則維持開24小時開放，以方便居民夜間進出港鐵站與彩園邨。
《蘋果》記者