雷霆「二少」韋斯卜克（圖）喺上星期五對速龍場波傷到舊患，提早離場，一眾球迷都擔心「潮韋」嘅傷勢，會唔會影響到季後賽。不過大家唔使騰，雷霆啱啱公佈，經過磁力共振同臨床檢查，發現潮韋傷勢唔係好嚴重，唞多一場就可以復出。膝傷已經證實冇大礙，嚟緊嘅背靠背比賽又唔使打足，睇嚟潮韋應該可以養精蓄銳，喺季後賽孖住杜蘭特殺敵啦。