中環在線：
跑怡廈籌款　壞蛋掌門人鬼馬 - 李華華

怡和每年一度嘅跑樓梯籌款比賽「齊步上怡廈」噚日舉行，跟舊年一樣，有超過500位怡和高層、集團旗下公司員工、生意夥伴同埋親友參加，佢哋要完成49層、共947級樓梯。今年為提倡精神健康嘅慈善機構「思健」籌得破紀錄嘅善款，超過380萬元。
相比新地（016）搞比賽跑九龍站ICC 100層、超過2,000級樓梯，跑怡廈算係輕鬆，男、女子個人賽嘅最好成績分別係5分39秒同埋7分06秒；各項接力賽大約3至5分鐘完成。
最過癮當然係「趣怪服裝」環節，香港空運貨站嘅員工以壞蛋掌門人嘅卡通造型獲獎，確係鬼馬！