趙式和與東亞銀行太子爺李民橋太太鄺淑嫻（Bonnie）早前合資七位數字做生意，於灣仔開設高檔生活家品店Bonaventura，打頭陣引入面世逾260年的德國瓷器品牌Nymphenburg發售。
德國睇廠
二人日前在店中接受訪問，笑言大家都愛好藝術而稔熟起來。Bonnie透露老公十分支持她創業：「先生對我嘅工作非常支持。上年暑假喺歐洲旅遊時，佢仲特別抽時間陪我去德國參觀Nymphenburg工廠。了解完製作過程同悠久歷史背景之後，佢都十分欣賞。」
向來醉心藝術的式和則自言小時候已受母親何琍琍及古董、名畫收藏家兼船王的祖父趙從衍影響，對家品及擺設甚有要求，她說：「爺爺係大收藏家，屋企有唔同朝代嘅瓷器、名畫同古董收藏，媽媽都鍾意去唔同地方嘅古董市場，佢好講究，會用好靚嘅餐具。」
不容瑕疵
式和回憶說：「記得細個拎住杯熱朱古力，由一間房行去另一間房，媽媽都會叫我哋企定定飲，好彩冇試過打爛。」因此式和對品質及工匠們的手藝特別欣賞，她說：「我好注重品質，知道呢個牌子除咗歷史悠久，對產品嘅要求都好高，有少少黑點都打爛做過，以前仲要係皇室御用。我最欣賞係雖然好有歷史，但唔會故步自封，好多現代款式，而且會同唔同地方嘅設計師合作，非常有創意。」
採訪：盧妹
攝影：陳順禎
場地提供：Bonaventura（灣仔）
